Le Consëi de Comun é l'organ de adressa y control politich-aministratif. Tl comun de La Val é le Consëi de Comun metü adöm dal Ombolt y da 14 aconsiadus. Fora d'atres regolamentaziuns eventualmënter preodüdes tl regolamënt intern dl consëi de comun, é les sentades dl Consëi de Comun publiches.
Les atribuziuns surandades al Consëi de Comun ne pó nia gní delegades a d’atri organs, gnanca por singui afars.
Le Consëi de Comun fissëia i prinzips generai por la gestiun dl'aministraziun comunala. Al controlëia döta la gestiun aministrativa dl comun.
Le Consëi de Comun, tl eserzize de süa funziun de control, controlëia por ch'al vëgnes realisé i obietifs che reverda l'imparzialité, la trasparënza, le contat diret cun i zitadins, l'efiziënza, l'economia y la coretëza dl'aministraziun y adotëia i provedimënc odüs dant dala disciplina de setur.
Les atribuziuns dl Consëi de Comun é:
- delibera sön i argomënc y la materia dá dant tl articul 49 dla lege regionala ai 3 de ma 2018, n. 2 y mudaziuns y integraziuns che vëgn do;
- delibera sön i provedimënc che reverda le prozedimënt de assunziun y nominaziun dl secreter de comun;
- delibera sön la nomina dl defensur zivich y la determinaziun dla indenité de inciaria relativa;
- delibera sön la determinaziun dles materies da deleghé ai consëis zircazionai;
- delibera sön les onoranzes y n particolar sön le confermënt dla zitadinanza onorara;
- en mancianza de desposiziuns desvalies, la deliberaziun sön la nomina dles comisciuns, di comités y dles organisaziuns analoghes dl comun, canche al vëgn scrit dant la rapresentanza dles mendranzes linguistiches y/o politiches, ater co les comisciuns iudichësses de concursc;
- delibera sön i ogec metüs ite dala junta comunala por l'aprovaziun;
- delibera sön i proiec preliminares de operes publiches dl cost sura 100.000,00 euro;
- delibera sön l'adatamënt y la mudaziun dles linies de programmaziun che reverda les aziuns y i proiec da realisé tratan le mandat;
- Le Consëi de Comun controlëia en gaujiun dl'aprovaziun dl bilanz de previjiun o dl cunt consuntif l'atuaziun dles linies de programmaziun che reverda aziuns y proiec da realisé tratan le mandat.
