La Junta comunala é metüda adöm dal Ombolt, che é le presidënt y da cater assessurs.
La lita dla Junta comunala vëgn fata dal Consëi de Comun tl respet dl termin scrit ite, sön proposta dl Ombolt te sentada publica por scrutin davert te na unica lita.
Les sentades dla Junta comunala n’é nia publiches.
La Junta comunala ademplësc düc i ac d'aministraziun che ne sides nia resservá al Consëi y che al ne sides nia tles competënzes dl Ombolt; ara realisëia les direziuns generales y fej ativités proponibles y de impuls ti confrunc dl Consëi de Comun.
La junta comunala fej ince düc i ac de natöra tecnich-gestionala, lapró ac che impegnëia le Comun devers defora y á facolté da ti deleghé chisc al Ombolt, a n assessur, al secretariat de comun o a funzionars diretifs.
La Junta de comun s'abina un n iade al'edema (vigni mertesc).
